Total views : 355258
काठमाडौं । प्रहरी प्रधान कार्यालय साइबर ब्यूरोले युट्युव च्यानलमार्फत महिलाको चरित्रहत्या गर्ने भिडिओ तथा अन्र्तवार्ता तथा फोटोसहितको विवरण प्रसारण गर्ने व्यक्तिहरु पक्राउ परेको प्रहरीले जानकारी गराएको छ ।
प्रहरीले जानकारी दिएअनुसार विभिन्न च्यानलमार्फत महिलाको तस्वीर सहित चरित्रहत्या गर्ने तथा इज्जत प्रतिष्ठामा आँच आउने अफवाह फैलाउने सामग्रीहरु प्रसारण भएको बताइएको छ ।
विद्युतीय कारोबार ऐन, २०६३ अन्तर्गतको युट्युवरले आरोपित कसुर गरेकाले काठमाडौं जिल्ला अदालतबाट पक्राउ अनुमति लिई बुधबार पक्राउ गरिएको ब्यूरोले जनकारी गराएको हो ।
पक्राउ पर्नेहरुमा ‘हरेक पलको खबर’ युट्युव च्यानलका सञ्चालक शिशिर अधिकारी, ‘दैनिक खबर’ युट्युव च्यानलका सञ्चालक प्रदिप भण्डारी, ‘मोडर्न अनलाइन टिभी’ युट्युव च्यानलका सञ्चालक रोधन तमाङ, ‘सारैचुली मिडिया’ युट्युव च्यानलकी सञ्चालक पिंकला कार्कीलाई पक्राउ गरेको बताएको छ ।
पक्राउ परेका युट्युवरमाथि थप अनुसन्धान भइरहेको प्रहरी ब्युरोले जानकारी दिएको छ ।
