Total views : 348102
काठमाडौं । चिम्निज ओपन अन्तर्राष्ट्रिय कराते च्याम्पियनसिपमा सहभागी हुन कराते खेलाडी मण्डेकाजी श्रेष्ठ र मुकुन्द महर्जन बिहीबार जर्मनीको चिम्निज जाने भएका छन् ।
पुरुष एकल तर्फ काता मण्डे तथा ७५ केजीमुनि मुकुन्दले प्रतिस्पर्धा गर्ने भएका छन् भने, दुवै खेलाडी १३ औं दक्षिण एसियाली खेलकुद सागका पदक विजेता रहि सकेका छन् ।
उक्त सागमा मण्डेले दोहोरो स्वर्ण तथा मुकुन्दले कास्य जित्न सफल भएका थिए । चिम्निज ओपन अन्तर्राष्ट्रिय कराते च्याम्पियनसिप अक्टोबर २ मा हुने भएको छ ।
टोलीलाई सफलताको शुभकामना दिँदै राष्ट्रिय खेलकुद परिषद्का सदस्य–सचिव रमेशकुमार सिलवाल र सदस्य राजेश गुरुङले एक कार्यक्रमबीच बिदाइ समेत गर्नुभएको छ ।
