Total views : 362959
जन आवाज न्युज/भक्तपुर । भक्तपुरको दधिकोट शहरी खानेपानी तथा सरसफाई मूल उपभोक्ता समितिको आयोजनामा दक्षिणवाराही खानेपानी वितरण प्रणाली अन्तर्गतको ट्याङ्की सरसफाई तथा वृक्षारोपण कार्यक्रम शुक्रबार सम्पन्न भएको छ।
उक्त कार्यक्रममा समितिका अध्यक्ष कृष्णहरि खड्काको अध्यक्षतामा खानेपानी समितिका अन्य पदाधिकारी, सदस्यहरू, कर्मचारीहरू, सूर्यविनायक नगरपालिका-४ का वडा अध्यक्ष लछुराम न्यौपाने, वडा सदस्य विदुर खड्का, दधिकोट प्रहरी प्रभागका प्रमुख, स्थानीय बासिन्दा तथा उपभोक्ताहरूको सक्रिय उपस्थितिमा कार्यक्रम सम्पन्न भएको थियो ।
कार्यक्रम अन्तर्गत दक्षिणवाराही वनमा रहेको पानी ट्याङ्कीको सरसफाई गरिनुका साथै वनको खाली क्षेत्रमा विभिन्न प्रजातिका रुख बिरुवाहरू रोपिएका थिए । वातावरण संरक्षण र स्रोत व्यवस्थापनको दृष्टिले कार्यक्रमलाई महत्वपूर्ण मानिएको छ।
स्थानीय स्तरमा खानेपानी स्रोतको संरक्षण र हरियाली प्रवर्द्धनका लागि गरिएको यस प्रयासप्रति सहभागी सबै पक्षले प्रशंसा व्यक्त गरेका थिए ।
