Total views : 357589
जन आवाज न्युज/भक्तपुर । नेपाल पत्रकार महासंघ जिल्ला शाखा भक्तपुरले जनप्रतिनिधि बहालको तीन वर्ष पूरा भएको अवसरमा चाँंगुनारायण नगरपालिकाले गरेको विकास निर्माणको प्रगतिका विषयमा पत्रकारहरुसँंग शनिबार नगरकोटको होटल माउन्ट भिस्टामा अन्तरक्रिया कार्यक्रम सम्पन्न गरेको छ ।
कार्यक्रमका चाँगुनारायण नगरपालिकाका प्रमुख जीवन खत्रीले चाँंगुनारायण नगरपालिकको तीन वर्षे कार्यकालको मुख्य उपलव्धी नगरकोट सडक रहेको बताउनुभयो ।
पत्रकारसँगको अन्तरक्रियामा उहाँले यस्तो १२ वर्षदेखि कालोपत्रे हुन नसकेको भक्तपुरदेखि नगरकोटसम्मको सडक अहिले नगरपालिका आफैंले कालोपत्रे गर्न लागेको बताउनुभयो ।
लामो समयदेखी ठेकेदारले काम पूरा गर्न नसकेपछि ठेक्का प्रक्रिया रद्ध गरिएको थियो, भने हाल नगरपालिकाले नै जिम्मा लिइ कालोपत्रे शुरु गरेको छ ।
प्रमुख खत्रीले केही समयभित्रै १६ किलोमिटर लामो सडकमा कालोपत्रे सम्पन्न हुने क्रममा रहेको जानकारि गराउदै कालोपत्रे सकेपछि लामो समयदेखि नेपाल सबैको टाउको दुखाइको विषय भएको समस्या टुंगिने जानकारी दिनुभयो ।
पर्यटन केन्द्र रहेको नगरकोट सडक नबन्दा नगरपालिकाका जनप्रतिनिधिहरुमा आइरहेको रोष पनि समाप्त हुने उहाँको विश्वास रहेको छ ।
यसैगरी कार्यक्रममा नगर उपप्रमुख रमेश बुढाथोकी, प्रमुख कार्यकारी अधिकृत मोहन श्रेष्ठ, कार्यक्रम आयोजक नेपाल पत्रकार महासंघका अध्यक्ष सुन्दर शिल्पकार, उपाध्यक्ष हेमराज ढकाल, सहसचिव हरिसुन्दर छुंकालगायतले कार्यक्रमको बारेमा चर्चा गर्नुभएको थियो ।
