Total views : 295479
जन आवाज न्युज/काठमाडौँ असोज, ५ गते । वेस्ट इन्डिजविरुद्ध युनिटी कप टी-२० आई खेल्न आगामी सेप्टेम्बर २७ देखि ३० सम्म हुने यो प्रतियोगिताको टोली क्यानले घोषणा गरेको थियो ।
संयुक्त अरब इमिरेट्स यूएईले तीन खेलको यो शृंखला शारजाह क्रिकेट स्टेडियममा खेल्न जाने नेपाली क्रिकेट टोलीले यूएई सरकारबाट भिसा पाएक छन् ।
नेपाली टोलीलाई आइतबार भिसा दिएको हो ।
प्रतियोगिता खेल्न नेपाली टोली शुक्रबार युएई जाने कार्यक्रम थियो। तर, जेनजी आन्दोलनका नाममा नेपालमा व्यापक विध्वंशपछि यूएईले नेपालीलाई भिसा दिन अस्वीकार गरेको थियो । त्यसको असर नेपाली राष्ट्रिय क्रिकेट टोलीलाई पनि परेको थियो ।
आइतबार भिसा प्राप्त भएको क्यानका प्रवक्ता छुम्बी लामाले वक्तव्यमार्फत् जानकारी दिनुभएको छ । अब नेपाली टोली वेस्ट इन्डिजविरुद्धको सिरिजका लागि सोमबार यूएईतर्फ जाने कार्यक्रम तालिका रहेको छ।
