Total views : 371506
जन आवाज न्युज/भक्तपुर, कार्तिक १४ गते । सुर्यविनायक नगरपालिका र नेपाल रेडक्रस सोसाईटीको साझेदारीमा नगरपालिकाको दशवटै वडामा जेष्ठ नागरिकहरुमा स्वास्थ्य बुढ्यौलीका लागी सहारा परियोजना कार्यक्रम सन्चालन भएको छ ।
उक्त कार्यक्रम सूर्यविनायक नगरपालिका र नेपाल रेडक्रस सोसाइटी जिल्ला शाखा भक्तपुरको साझेदारीमा तथा स्विस रेडक्रसको आर्थिक सहयोगमा सञ्चालित “स्वास्थ्य र बुढ्यौलीका लागि सहारा परियोजना” अन्तर्गत बिहिबार एक अभिमुखीकरण कार्यक्रम सम्पन्न भएको छ।
कार्यक्रमका क्रममा सूर्यविनायक नगरपालिकाका नगर प्रमुख बासुदेव थापा र रेडक्रस जिल्ला शाखा भक्तपुरका सभापति परशुराम पाण्डेबीच परियोजना सम्बन्धी प्रोजेक्ट डकुमेन्टमा हस्ताक्षर कार्यक्रम सम्पन्न भएको छ।
परियोजनाले वृद्ध नागरिकहरूको स्वास्थ्य सुधार, सामाजिक सहभागिता र बुढ्यौलीमैत्री समुदाय निर्माणमा योगदान पुर्याउने लक्ष्य राखिएको छ। उक्त कार्यक्रममा नगर उपप्रमुख सरिता भट्टराई, प्रमुख प्रशासकीय अधिकृत युवराज आचार्य जनप्रतिनिधि, सरोकारवाला निकायका प्रतिनिधि र सदस्यहरू लगाएतको उपस्थिति रहेको थियो।
