Total views : 305737
जन आवाज न्युज/भक्तपुर,कार्तिक २० गते । अन्तर विद्यालय लोक नृत्य तथा एकल नृत्य प्रतियोगिताको दुवै विधातर्फ सूर्यविनायक-५ मा रहेको यूनिटी स्कुल प्रथम भएको छ ।
इडिफाइ प्राइभेट स्कूल अर्गनाइजेसन नेपाल(ईप्सन)को आयोजनामा सदस्य विद्यालय विमल मेमोरियल विद्यापीठमा उक्त कार्यक्रम सम्पन्न भएको प्रतियोगितामा सामूहिक लोक नृत्य प्रतियोगितामा युनिटी स्कूलले प्रथम स्थान, इडेन गार्डेन स्कूलले द्धितीय स्थान, सूर्योदय स्कूलले तृतीय र ग्लोबल एकेडेमीले सान्त्वना स्थान हासिल गर्न सफल भएका थिए ।
त्यसैगरी एकल नृत्य प्रतियोगितातर्फ युनिटी ईङ्ग्लिस स्कूलकी दिपशिखा खड्काले प्रथम, क्वालिटी इङ्ग्लिस स्कूलका मनिरा तामाङले दोश्रो, ईडेन गार्डेन स्कूलकी कृष्टिना श्रेष्ठले तेश्रो र पारिजात विद्याकुन्जकी ज्योती खड्काले सान्त्वना स्थान हासिल गर्न सफल भएका थिए ।
कार्यक्रमका सभापति एवं आयोजक विद्यालय बिमल मेमोरियल विद्यापीठका प्रधानाध्यापक कुमार थापा मगरले प्रतियोगिता आयोजना गर्ने अवसर पाएकोमा खुसी व्यक्त गर्दै सफलताको श्रेय निर्णायक, सहभागी विद्यालय तथा विद्यार्थीहरूलाई दिनुभयो। कार्यक्रममा विजेताहरुलाई पुरस्कार वितरण गर्नुहुँदै प्रमुख अतिथि सूर्यविनायक नगरपालिका वडा नम्बर १० का वडाध्यक्ष शिवराम राउतले बधाई ज्ञापन गर्नुहुदै यस्तो प्रतियोगिताले विद्यार्थीहरूमा नेपाली लोक तथा संस्कृतिको जगेर्णा गर्ने कुरा समेत व्यक्त गर्नुभयो । ईप्सन अध्यक्ष एवं क्वालिटी इङ्ग्लिस स्कुलका प्रिन्सिपल जी.वी खड्काले कार्यक्रम आयोजनाका लागि आयोजक विद्यालयलाई धन्यवाद व्यक्त गर्नुभएको थियो।
