Total views : 405127
काठमाडौं । नेकपा एमालेको १० औँ महाधिवेशनमा विद्युतीय उपकरणको प्रयो हुने भएको छ । मतदानका लागि एक सय विद्युतीय उपकरण प्रयोग हुने भएको छ भने, उक्त विद्युतीय उपकरणको प्रयोग गरि नयाँ पदाधिकारी चयन गर्ने बताइएको छ ।
१०औं महाधिवेशनको मूल आयोजक समितिले दिएको जानकारी अनुसार विद्युतीय उपकरण मार्फत मतदान गर्ने तयारी भइरहेको साथै सबाट तीन घण्टाभित्रमा नतिजा समेत आउने बताएको छ । मतदानपछि प्रिन्ट गर्दा तीन घण्टा लाग्ने र क्यू आर कोडबाट भयो भने त्यो भन्दा अघिनै नतिजा आउँने सक्ने बताइएको छ ।
२२५ सदस्यीय रहेको पार्टीको केन्द्रिय समितिले विद्युतीय उपकरण जडान र व्यवस्थापनका विषयमा छलफल भइरहेको बताएको छ । उक्त महाधिवेशनमा दुई हजार प्रतिनिधि सहभागी हुने बताइएको छ भने, महाधिवेशनको उद्घघाटन सत्र नारायणी नदी किनार र बन्द सत्र सौराहाको बाघमारा चौरमा गर्ने तयारी गरिएको बताइएको छ । महाधिवेशनमा पाँच लाख नेता कार्यकर्ता उद्घघाटन सत्रमा सहभागी हुने पार्र्टीले जानकारी गराएको छ ।
पार्टीले दिएको जानकारी अनुसार सौराहामा करिब तीन हजार ५०० जनालाई बस्ने व्यवस्था गरिएको बताइएको छ । बुटवलमा हुने कार्यक्रम अन्तिम समयमा सौराहामा सारिएको उक्त महाधिवेशन आगामी मंसिर १० गते देखि १२ गते सम्म आयोजना गरिएको छ ।
