Total views : 217933
काठमाडौँ । नेकपा एकीकृत समाजवादीको विधान संशोधनका लागि आइतबार सुरु भएको केन्द्रीय परिषद् बैठक आज सम्पन्न हुने भएको छ । उक्त बैठकमा विधान संशोधन मस्यौदामाथि सोमबार १० जना टोली नेताले धारणा राखेपछि निष्कर्ष सुनाएर बैठक सम्पन्न हुने बताइएको छ ।
आज विधान संशोधनका लागि ११ बजे बैठक बस्ने भएको हो । बैठकमा १० वटा टोली नेताले आफ्नो धारणा लिखित रुपमा दिइने छ । टोली नेताले राखेका प्रस्तुति समेतलाई समेटेर निष्कर्ष निकाली बैठक सम्पन्न गरिने भएको छ ।
उक्त बैठकमा १ हजार बढी प्रतिनिधि सहभागी हुने छन् भने, प्रस्तुत गरिएको विधान मस्यौदामा संशोधनका लागि विकल्प सहितका प्रस्ताव पेश गरिएको छ । यस्तै केन्द्रीय कमिटी, प्रदेश कमिटी, जिल्ला कमिटीको सख्याका बारेमा समेत विधानले व्यवस्था गर्ने भएको छ । कमिटीहरूको अहिलेको व्यवस्था अनुसार धेरै सख्याको कमिटी घटाई सानो आकारको कमिटि बनाउने पार्टीले बताएको छ ।
बैठकमा महाधिवेशनका प्रतिनिधिहरू तलैबाट निर्वाचित गराउने कि मनोनीत गर्ने भन्ने विषयमा समेत विधानले व्यवस्था गर्ने भएको छ ।
