Total views : 346058
भक्तपुर । शहीद गंगालाल राष्ट्रिय हृदयरोग उपचार केन्द्रले राष्ट्रिय टिमका खेलाडीहरूको स्वास्थ्य परीक्षण निःशुल्क शुरु गर्ने भएको छ ।
देशको प्रतिनिधित्व गरेर अन्तार्राष्ट्रिय खेलमा योगदान गर्ने सबै खेलाडीहरूको मुटुसहित निःशुल्क स्वास्थ्य परीक्षणसम्बन्धी मंगलबार सम्झौता गरिएको छ ।
गत साउन २७ गते आफ्नो स्वास्थ्य क्षेत्रका योजना तथा प्राथमिकता घोषणाका क्रममा स्वास्थ्य तथा जनसंख्यामन्त्री प्रदीप पौडेलले देशका लागि खेल्ने खेलाडीहरूको स्वास्थ्य परीक्षणका लागि मन्त्रालयले आवश्यक व्यवस्था बताएको थियो ।
स्वास्थ्य तथा जनसंख्यामन्त्री पौडेल र युवा तथा खेलकुदमन्त्री तेजुलाल चौधरीको उपस्थितिमा खेलकुद मन्त्रालय, राष्ट्रिय खेलकुद परिषद र अस्पतालबीर्च निःशुल्क मुटुसहितको स्वास्थ्य परीक्षणसम्बन्धी सम्झौता भएको हो ।
