पत्रकार सुरेश रजकको हत्या र मिडिया क्षेत्रमा तोडफोड आगजनी सम्बन्धी विरोध सभा सम्पन्न

गत चैत्र १५ गते राजावादी समूहको आन्दोलनका कारण ज्यान गुमाएका पत्रकार सुरेश रजक र विभिन्न मिडिया क्षेत्रमा तोडफोड आगजनी गरेको घटनालाई लिएर भक्तपुरका सबै पत्रकार संगठनहरु एक ठाउँमा उभिएका छन्  ।नेपाल पत्रकार महासंघ भक्तपुरले आज विभिन्न पत्रकार संघ संगठनसँग गरेकाे अन्तर्क्रिया कार्यक्रममा भक्तपुरका विभिन्न पत्रकार संघ संगठनका अध्यक्षहरूले महासंघले गरेको आन्दोलनलाई ऐक्यबढ्ढता जनाएका छन्। चैत १५ गते आगजनीमा परी मृत्यु भएका पत्रकार सुरेश रजकको हत्या र कान्तिपुर टेलिभिजन अन्नपूर्ण पोस्ट लगायतका कार्यालयमा तोडफोट र आगगजनीको विरोध जनाएका छन्। उनीहरूले तोडफोड आगजनी र हत्यामा संलग्न जोसुकै भएपनि तत्काल कारबाहीको दायरामा ल्याउनुपर्ने माग समेत गरेका छन्।

 कार्यक्रममा पत्रकार महासंघ जिल्ला शाखा भक्तपुरका कार्यसमिति र अन्य विभिन्न संघ संस्थाका प्रतिनिधि सहभागी भएको थियो।