Total views : 379100
काठमाडौं । लक्ष्मी लघुवित्त वित्तीय संस्थाको शुक्रबार बसेको सञ्चालक समितिको बैठकले नगद र बोनस गरी २७.३७ प्रतिशत लाभांश वितरण गर्ने घोषणा गरेको छ ।
कम्पनीले अघिल्लो वर्ष १५ प्रतिशत बोनस सेयर र ८.१६ प्रतिशत नगद लाभांश गरी कुल २२.३२ प्रतिशत लाभांश वितरण गरेको थियो भने यसवर्ष भने, नगद र बोनस गरी २७.३७ प्रतिशत लाभांश वितरण गर्ने बताएको छ ।
संस्थाको आगामी वार्षिक साधारणसभाले पारित गरेपछि र नेपाल राष्ट्र बैंकको स्वीकृति गरेपछि प्रस्तावित लाभांश सेयरधनीलाई वितरण गरिने बताइएको छ ।
यस्तै संस्थाले गत आर्थिक वर्षको मुनाफाबाट आफ्ना सेयरधनीहरूलाई चुक्ता पुँजीको २० प्रतिशत बोनस सेयरसहित ७.३७ प्रतिशत नगद लाभांश वितरण गर्ने निर्णय गरेको छ ।
