Total views : 345024
काठमाडौं । ग्लोबल आइएमई बैंकले लिमिटेडले गत आर्थिक वर्ष २०७७ र ७८ बाट शेयरधनीलाई वितरण गर्ने लाभांश प्रस्ताव गरेको बताइएको छ । वाणिज्य बैंकहरुमा सबैभन्दा धेरै चुक्ता पूँजी रहेको उक्त बैंकको सञ्चालक समितिको सोमबार बिहान सम्पन्न बैठकले गत आर्थिक वर्षको वितरणयोग्य नाफाबाट शेयरधनीहरुलाई चुक्ता पूँजीको १३.५० प्रतिशत लाभांश वितरण गर्ने प्रस्ताव गरेको हो । जसमध्ये १० प्रतिशत बोनस शेयर र कर प्रयोजन सहित ३.५ प्रतिशत नगद लाभांश रहेको छ ।
बैंकको सञ्चालक समितिबाट प्रस्तावित उक्त लाभांश नेपाल राष्ट्र बैंकको स्वीकृति तथा बैंकको आगामी वार्षिक साधारण सभाबाट पारित भएपछि मात्र लगानीकर्ताले पाउने बताइएको छ । यस्तै बैंकको अघिल्लो आर्थिक वर्षमा १४ प्रतिशत बोनस र कर प्रयोजन सहित २ प्रतिशतका दरले नगद लाभांश गरी कुल १६ प्रतिशत लाभांश वितरण गरेको थियो भने, अघिल्लो आवको तुलनामा बैंकले २.५० प्रतिशत कम लाभांश प्रस्ताव गरेको छ ।
