Total views : 295458
काठमाडौं । मुस्ताङमा सोमबार रातिदेखि परेको हिमपात आज बुधबार पनि जारी रहेको छ । भारी हिमपातका कारण चराङ–लोमान्थाङ सडकमा सवारी आवागमनमा समस्या भएको बताइएको छ ।
यसैगरी चराङ-लोमान्थाङ खण्डको नेपाली सेनाको ब्यारेक रहेको थुर्लुङफाँटदेखि लोमान्थाङसम्मको पाँच किलोमिटर सडकमा हिमपातका कारण सवारी आवागमनमा कठिनाइ भएको छ । उक्त क्षेत्रमा आठ इन्चसम्म हिउँ जमेकाले आवागमनमा कठिनाइ भएको हो । त्यसैगरी हिमपातका कारण असहज बनेको कागबेनी-मुक्तिनाथ सडक हाल सञ्चालन भएको बताइएको छ ।
मङ्गलबार दिनभर परेको हिमपातका कारण उपल्लो मुस्ताङदेखि तल्लो मुस्ताङसम्मका डाँडाकाँडा हिउँले सेताम्मे भएका छन्, भने मङ्गलबार उपल्लो मुस्ताङको घमीदेखि कोरलासम्म र मुक्तिनाथ क्षेत्रमा भारी हिमपात भएको थियो । भारी हिमपातका कारण त्यहाको जनजीवन प्रभावित भएको छ । हाल हिमपात निरन्तर भइरहेको बताइएको छ ।
photo : fb
