Total views : 295864
एजेन्सी । ला लिगा अन्तर्गत बिहिबार राति भएको खेलमा एट्लेटिको मड्रिडले १० खेलाडीमा सीमित घरेलु टोली लेभान्टेसँग २–२ को बाराबरी भएकोे छ । उक्त खेलको १२ औं मिनेटमा एन्टोइन ग्रिजम्यानको गोलबाट एट्लेटिकोले अग्रता लिदै ३७औं मिनेटमा इनिस बारदीले पेनाल्टीमा गोल गर्दै खेललाई १–१ गोलको बराबरीमा ल्याउन सफल भएका थिए ।
खेलमा लुइस सुआरेजले भेजोलाई फउल गरेपछि रेफ्रीले घरेलु टोलीलाई पेनाल्टी गरेको थिए । जसमा इनिस चुकेनन् भने, ७६ औं मिनेटमा म्याथुज कुन्हाले गोल गर्दै एट्लेटिकोलाई २–१ ले अघि बढाउदै ८० औं मिनेटमा एट्लेटिकोका प्रशिक्षक डिएगो सिमिओन दोहोरो पहेँलो कार्ड खाँदै टच लाईनबाट बाहिरिएका थिए ।
यस्तै ९० औं मिनेटमा इनिस बारदीले पेनाल्टीमै गोल गर्दै खेललाई २–२ को बराबरीमा ल्याएका थिए । थप गरिएको समयमा रोवेर दोहोरो पहेँलो कार्ड खाँदै मैदानबाट बाहिरिएपछि लेभान्टे १० खेलाडीमा समेटिन पुगेको थियो । यो बराबरीपछि एट्लेटिको १० खेलबाट १९ अंक जोडेर छैटौं स्थानमा उक्लिदा ११ खेलबाट लेभान्टे ६ अंकका साथ १९औं स्थानमा रहेको छ ।
