Total views : 347531
काठमाडौं । १४ जना सांसदमाथि कारबाही र माधवकुमार नेपाल नेतृत्वको पार्टी खारेज गर्न माग गर्दै नेकपा एमालेका अध्यक्ष केपी शर्मा ओलीले दायर गरेको रिटमाथि आज सुनुवाई हुने भएको छ
आज न्यायाधीशद्वय दीपक कार्की र कुमार चुडालको संयुक्त इजलासमा बहस हुने भएको हो । सोमबार बहस हुदाँह्दैं समय सकिएपछि उक्त मुद्दामा थप बहस हुन लागेको हो । आज माधव नेपाल पक्षका कानुन व्यवसायीको बहस हुनुका साथै ओली पक्षका कानुन व्यवसायीले जवाफी बहस गर्ने भएका छन् । आज हुने बहसपछि सर्वोच्चले आदेश गर्न सक्नेछ भने, ओलीको रिटमा माधवकुमार नेपालसहित १४ संघीय सांसद, सभामुख, निर्वाचन आयोग र लुम्बिनी प्रदेशका २ प्रदेशसभा सदस्यलाई पदमुक्त गर्न माग गर्रिको छ ।
आज नै माधवकुमार नेपालको नेतृत्वमा नव गठित नेकपा एकीकृत समाजवादीको केन्द्रीय कमिटी बैठक बस्ने भएको छ । एमालेबाट विभाजति भएर बनेको एकिकृत समाजवादीको केन्द्रीय कमिटी बैठक पहिलो पटक बस्न लागेको हो । दिउँसो २ बजे बुद्धनगरस्थित क्वालिटी बैंक्वेटमा बैठक बस्न लागेको हो । अहिले देशभर संगठन विस्तारका लागि आवश्यक रणनीति तय गर्ने विषयमा छलफल हुने बताइएको छ ।
आज बस्ने भनिएको बैठकमा १ सय १३ केन्द्रीय सदस्यको सहभागिता रहनेछ ।
